LSR fær viðurkenningu Jafnvægisvogarinnar í fimmta sinn
LSR hlaut viðurkenningu Jafnvægisvogarinnar í fimmta sinn þegar hún var veitt við hátíðlega athöfn í Háskóla Íslands. Jafnvægisvogin er veitt fyrirtækjum og stofnunum sem uppfylla markmið verkefnisins um 40/60 kynjahlutfall meðal stjórnenda.
Það er Félag kvenna í atvinnulífinu, FKA, sem stendur að Jafnvægisvoginni. Í ár fengu 130 fyrirtæki og stofnanir viðurkenninguna, sem er metfjöldi.
LSR leggur mikla áherslu á jafnrétti í sinni starfsemi og hefur sjóðurinn meðal annars sett sér jafnlauna- og jafnréttisáætlun. Þá hlaut sjóðurinn jafnlaunavottun árið 2021 og hefur viðhaldið henni síðan.
Frá afhendingu Jafnvægisvogarinnar í aðalbyggingu Háskóla Íslands 10. október.