Fréttir og tilkynningar
Íslenska lífeyriskerfið með þeim bestu í heimi
7. nóvember 2023
Samkvæmt alþjóðlegri lífeyrisvísitölu sem gefin er út árlega er íslenska lífeyriskerfið í öðru sæti meðal lífeyriskerfa. Lífeyriskerfi Hollands er það eina sem fær hærri einkunn í könnuninni í ár.
Fjögur ný til liðs við LSR
20. september 2023
LSR hefur ráðið fjóra nýja starfsmenn sem efla og styrkja sjóðinn í þeim verkefnum sem framundan eru. Þetta eru þau Elín Hrund Búadóttir, Helgi Freyr Ásgeirsson, Katrín Kristjana Hjartardóttir og María Björk Baldursdóttir.
Þrjú til liðs við LSR
29. júní 2023
Lífeyrissjóður starfsmanna ríkisins hefur ráðið þrjá nýja starfsmenn, tvö á svið stafrænnar þróunar og reksturs og einn á eignastýringarsvið.
Tilgreind séreign í boði hjá LSR
16. júní 2023
Frá 1. júlí næstkomandi geta sjóðfélagar í A-deild LSR valið að láta hluta af skyldubundnu lífeyrisiðgjaldi renna í tilgreinda séreign og lækka á móti greiðslur í samtryggingu. Með því má fá aukinn sveigjanleika við skipulagningu starfsloka.
Breytingar á réttindum A-deildar vegna hækkandi lífaldurs
31. maí 2023
Þann 1. júlí næstkomandi verður ráðist í síðari hluta aðgerða LSR til að bregðast við hækkandi lífaldri íslensku þjóðarinnar. Þá verður réttindum fyrir greidd iðgjöld til og með 31.12.2022 breytt í samræmi við væntan lífaldur sjóðfélaga.
Óheimil áform ríkisins baka því skaðabótaskyldu
12. maí 2023
Áform fjármála- og efnahagsráðherra um lagasetningu er varðar slit og uppgjör á ÍL-sjóði byggja á ófullnægjandi greiningu á lagalegum og fjárhagslegum þáttum og fela í sér tilraun til að sniðganga fjárhagslegar skuldbindingar ríkisins. Fyrirhuguð löggjöf fæli í sér eignarnám, væri andstæð stjórnarskrá og til þess fallin að baka íslenska ríkinu skaðabótaskyldu sem kynni að hafa í för með sér veruleg viðbótarfjárútlát af hálfu ríkissjóðs í formi dráttarvaxta og kostnaðar. Þetta er meðal þess sem kemur fram í athugasemdum tuttugu lífeyrissjóða við áformaskjal ráðherra sem birt hefur verið í samráðsgátt stjórnvalda.
Hrein eign LSR 1.293 milljarðar í árslok 2022
26. apríl 2023
Hrein eign Lífeyrissjóðs starfsmanna ríkisins var 1.293 milljarðar króna í árslok 2022. Hrein raunávöxtun sjóðsins var -12,9% á árinu, en þrátt fyrir afar krefjandi ár á fjármálamörkuðum er langtímaávöxtun sjóðsins góð. Raunávöxtun síðustu 5 ára er 4,3% að meðaltali og sé horft til síðustu 10 ára er meðaltal raunávöxtunar 4,9%.
Hámarksfjárhæð lána hækkuð í 75 milljónir króna
6. mars 2023
Sjóðfélagar geta nú fengið fasteignalán að fjárhæð allt að 75.000.000 kr. hjá LSR, en áður var hámarksfjárhæðin 50.000.000 kr.
Samtöl lífeyrissjóða við ríkið engu skilað
28. febrúar 2023
Fundur tuttugu lífeyrissjóða, stærstu eigenda skuldabréfa ÍL-sjóðs, telur að óbreyttu ekki grundvöll fyrir samningaviðræðum við fjármálaráðuneytið um uppgjör skuldbindinga sjóðsins. Fulltrúar ráðuneytisins hafa ekki komið til móts við kröfur lífeyrissjóðanna um fullar efndir af hálfu íslenska ríkisins í umleitunum þess um mögulegt uppgjör.
Upptaka frá sjóðfélagafundi LSR um hækkandi lífaldur 22. febrúar
22. febrúar 2023