Fréttir og tilkynningar
Fyrrverandi forseti Mannréttindadómstóls Evrópu staðfestir niðurstöður
7. desember 2022
Róbert R. Spanó, fyrrverandi forseti Mannréttindadómstóls Evrópu, prófessor við lagadeild Háskóla Íslands og gestaprófessor við lagadeild Oxford háskóla í Bretlandi, staðfestir niðurstöður LOGOS lögmannsþjónustu, varðandi málefni ÍL-sjóðs. Þetta kemur fram í álitsgerð Róberts sem íslenskir lífeyrissjóðir hafa fengið í hendur.
Afar sterk lagaleg staða lífeyrissjóða vegna fyrirhugaðra slita ÍL-sjóðs
24. nóvember 2022
Fyrirhuguð lagasetning fjármálaráðherra um gjaldþrot eða sambærileg skuldaskil ÍL-sjóðs fer í bága við stjórnarskrá og mannréttindasáttmála Evrópu. Þetta er meðal þess sem efnislega kemur fram í lögfræðiáliti LOGOS sem unnið var fyrir íslenska lífeyrissjóði og kynnt var á fundi þeirra í gær. Er í áliti LOGOS vitnað til þess að slíkt inngrip fæli í sér eignarnám eða annars konar skerðingu eignarréttinda sem færi í bága við stjórnarskrá og skapaði íslenska ríkinu bótaskyldu gagnvart skuldabréfaeigendum.
Engar skerðingar vegna greiðslna úr Séreign LSR
22. september 2022
Vegna umræðu um breytingar á lögum um lífeyrissjóði sem taka munu gildi um næstu áramót er rétt að taka fram að þessar lagabreytingar hafa engin áhrif á Séreign LSR. Greiðslur úr Séreign LSR munu eftir sem áður ekki leiða til skerðinga á greiðslum Tryggingastofnunar.
Halla Kristjánsdóttir ráðin sviðsstjóri eignastýringar LSR
6. september 2022
Halla Kristjánsdóttir hefur verið ráðin sviðsstjóri eignastýringar LSR. Halla hefur yfirgripsmikla þekkingu af starfsemi LSR, en hún hóf störf á eignastýringarsviði sjóðsins árið 2006 og hefur síðan þá sinnt ýmsum störfum innan LSR. Halla tekur við stöðunni af Birni Hjaltested Gunnarssyni sem lét af störfum í sumar.
10% hrein raunávöxtun 2021 og fjárfestingartekjur aldrei meiri
7. apríl 2022
Hreinar fjárfestingartekjur LSR námu um 181 milljarði króna á árinu 2021, sem eru mestu fjárfestingartekjur á einu ári í sögu sjóðsins. Hrein raunávöxtun LSR var 10% á árinu og er þetta þriðja árið í röð sem raunávöxtun sjóðsins er 10% eða meiri. Síðastliðin 5 ár hefur raunávöxtun sjóðsins verið að meðaltali 8,3%. Í árslok nam hrein eign sjóðsins rétt um 1.347 milljörðum króna.
LSR tekur þátt í 580 milljarða fjárfestingu í umhverfisvænum verkefnum
2. nóvember 2021
LSR er einn þrettán íslenskra lífeyrissjóða sem ætla að fjárfesta fyrir 4,5 milljarða bandaríkjadala (um 580 milljarða króna) í verkefnum sem tengjast hreinni orku og öðrum umhverfisvænum lausnum fram til ársins 2030.
LSR hlýtur viðurkenningu Jafnvægisvogarinnar
18. október 2021
LSR er í hópi þeirra sem hljóta viðurkenningu Jafnvægisvogarinnar árið 2021, en alls fá 53 fyrirtæki, sveitarfélög og stofnanir viðurkenninguna í ár. Viðurkenningin er veitt þeim þátttakendum í verkefninu sem hafa náð að jafna hlutfall kynja í efsta lagi stjórnunar.
Veruleg stytting á afgreiðslutíma lána
30. september 2021
Innleiðing rafrænna lausna og tenging við sjálfvirkt greiðslumat hefur m.a. leitt til þess að afgreiðslutími lána hefur styst umtalsvert hjá LSR. Nú eru lánsumsóknir afgreiddar innan við 5 virka daga og ef öll gögn liggja fyrir þegar umsóknir berast er í mörgum tilvikum hægt að afgreiða þær ýmist samdægurs eða deginum eftir móttöku.
Góð ávöxtun í alþjóðlegum samanburði
24. september 2021
Reglulega kemur upp umræða um hvernig íslenskum lífeyrissjóðum gengur að ávaxta fjármuni sjóðfélaga. Í ársskýrslu LSR fyrir árið 2020 má sjá að ávöxtun sjóðsins á erlendum verðbréfamörkuðum var nokkuð umfram meðalávöxtun.
LSR fær jafnlaunavottun
16. september 2021
LSR hefur að undanförnu unnið að innleiðingu jafnlaunakerfis í starfsemi sinni og í vikunni fékk sjóðurinn jafnlaunavottun frá iCert um að kerfið og starfsemi sjóðsins sé í samræmi við kröfur jafnlaunastaðalsins ÍST 85:2012.