Fréttir og tilkynningar
Íslenska lífeyriskerfið í fremstu röð
16. október 2024
Íslenska lífeyriskerfið er metið það næstbesta í heimi í alþjóðlegri lífeyrisvísitölu sem gefin er úr árlega af ráðgjafafyrirtækinu Mercer og samtökunum CFA Institute. Þetta er í fjórða sinn sem lífeyriskerfið á Íslandi er þátttakandi í mælingunni og hefur íslenska kerfið alltaf verið metið í fyrsta eða öðru sæti.
LSR fær viðurkenningu Jafnvægisvogarinnar í fimmta sinn
11. október 2024
LSR hlaut viðurkenningu Jafnvægisvogarinnar í fimmta sinn þegar hún var veitt við hátíðlega athöfn í Háskóla Íslands. Jafnvægisvogin er veitt fyrirtækjum og stofnunum sem uppfylla markmið verkefnisins um 40/60 kynjahlutfall meðal stjórnenda.
Launagreiðendavefur uppfærður
26. september 2024
Launagreiðendavefur hefur nú verið uppfærður og nýtt umboðsmannakerfi tekið upp, en það var gert vegna lokunar innskráningarþjónustu og umboðsmannakerfis Ísland.is.
Aukin áhersla á sjálfbærni
4. september 2024
Stórt skref var stigið í sjálfbærnivegferð LSR í sumar þegar Heiðrún Hödd Jónsdóttir var ráðin í nýja stöðu sérfræðings í sjálfbærnimálum hjá sjóðnum. Heiðrún mun leiða framkvæmd á sjálfbærnistefnu sjóðsins, sem nær bæði til fjárfestinga sjóðsins og innri starfsemi hans.
Breytingar á vöxtum verðtryggðra lána
30. ágúst 2024
Frá og með 30. ágúst hækka vextir á nýjum verðtryggðum fasteignalánum LSR um 0,2 prósentustig. Engar breytingar verða á óverðtryggðum lánum.
Jafnlaunavottun LSR endurnýjuð til 2027
10. júlí 2024
LSR hefur fengið endurnýjaða jafnlaunavottun fyrir starfsemi sjóðsins, sem gildir í þrjú ár, til ársins 2027. Sjóðurinn hlaut jafnlaunavottun í fyrsta sinn árið 2021.
Jákvæð raunávöxtun á krefjandi rekstrarári
17. júní 2024
Jákvæð raunávöxtun var á öllum sameignar- og séreignardeildum LSR á árinu 2023 og skilaði sjóðurinn í heild 9,2% nafnávöxtun, sem samsvarar 1,1% raunávöxtun.
Ársskýrsla LSR 2023 komin út
7. maí 2024
Ársskýrsla LSR fyrir árið 2023 er komin út og er aðgengileg hér á vefnum. Í ársskýrslunni er fjallað um rekstur og starfsemi sjóðsins á árinu.
Ársfundur LSR verður haldinn 7. maí
24. apríl 2024
Ársfundur LSR verður haldinn kl. 15:00 þriðjudaginn 7. maí næstkomandi á Hilton Reykjavík Nordica, Suðurlandsbraut 2. Fundurinn verður opinn öllum sjóðfélögum og launagreiðendum.
Vextir óverðtryggðra lána lækka í 9,5%
12. apríl 2024
Vextir óverðtryggðra lána LSR lækka um 0,2 prósentustig, úr 9,7% í 9,5% frá og með föstudeginum 12. apríl 2024. Vextir óverðtryggðra sjóðfélagalána hjá LSR eru fastir í 36 mánuði í senn.