Séreign LSR

Kostir Séreignar LSR

• Góð langtímaávöxtun.
• Persónuleg þjónusta og eftirfylgni.
• Enginn upphafskostnaður eða hlutfall af iðgjöldum fer í kostnað.
• Enginn kostnaður er af flutningi á milli fjárfestingarleiða.
• Engin sölulaun.
• Lágur rekstrarkostnaður.

Af hverju séreignarsparnaður?

Séreignarsparnaður er bein launahækkun fyrir þig þar sem launagreiðanda ber að greiða kjarasamningsbundið mótframlag við framlag þitt í séreignarsjóð. Framlög berast í formi iðgjalda sem eru allt að 4% af heildarlaunum.

Vegna ákvæða laga um frestun skattlagningar þá er þér heimilt að greiða allt að 4% af heildarlaunum þínum sem iðgjald í séreignarsjóð til viðbótar við skyldubundið 4% iðgjald í lífeyrissjóð.

Þú átt rétt á kjarasamningsbundnu mótframlagi frá launagreiðanda. Kostir séreignarsparnaðar eru því ótvíræðir:

• Skattalegt hagræði myndast þar sem iðgjald er ekki skattlagt við innborgun.
• Fjármagnstekjuskattur er ekki greiddur.
• Ráðstöfun séreignar inn á lán eða til íbúðakaupa.
• Séreign skerðir hvorki barna- né vaxtabætur.
• Sparnaðurinn er séreign sem erfist.
• Úttekt getur hafist við 60 ára aldur og útborgunarreglur eru sveigjanlegar.
• Þægilegt sparnaðarform þar sem launagreiðandi sér um að greiða sparnaðinn til séreignarsjóðs.
• Meira ráðstöfunarfé á eftirlaunaárum.

Mótframlag launagreiðanda, ásamt skattfrestun við innborgun gerir það að verkum að enginn annar sparnaður stenst samanburð við séreignarsparnað.