Hér finnurðu yfirlit helstu þætti sem vert er að hafa í huga þegar þú byrjar að vinna á nýjum vinnustað þar sem þú munt greiða iðgjöld til LSR.
Þú ert í góðum höndum hjá LSR, sem er elsti lífeyrissjóður landsins og sá stærsti í eignum talið.
Hjá LSR vinnurðu þér inn eftirlaunaréttindi sem greidd eru til æviloka, en hægt er að hefja töku eftirlauna allt frá 60 ára aldri.
Þú öðlast jafnframt réttindi til örorkulífeyris sem geta verið sérstaklega verðmæt ef starfsorka skerðist snemma á starfsævinni.
Ef þú fellur frá geta maki þinn og börn átt rétt á lífeyrisgreiðslum allt til 22 ára aldurs yngsta barnsins.
Til að gera það skaltu skrá þig inn á Mínar síður.
Á síðunni „lífeyrir“ sérðu töfluna „Greidd iðgjöld í A-deild LSR“ þar sem allar iðgjaldagreiðslur til sjóðsins birtast.
Skoðaðu síðustu iðgjaldagreiðslur og kannaðu hvort upphæðin stemmi ekki við launaseðilinn þinn.
Eðlilegt er að það líði allt að mánuður frá útborgunardegi og þar til iðgjöld eru greidd til sjóðsins.
Ef greiðslur berast ekki eða ef eitthvað er ekki eins og það á að vera skaltu hafa samband við launagreiðanda þinn eða þjónustufulltrúa LSR.
Ef þú ert ekki nú þegar að safna í séreign mælum við með að þú byrjir strax að safna. Því fyrr sem þú byrjar, því stærri verður sjóðurinn, sem verður laus til útborgunar eins og þér hentar frá 60 ára aldri.
Þú velur hvar þú safnar séreignarsparnaðinum, en Séreign LSR er góður kostur. Sjóðurinn er alfarið í eigu sjóðfélaga og því fer allur ávinningur af starfsemi sjóðsins beint til sjóðfélaga. Ekki þarf að greiða nein gjöld, upphafskostnað eða breytingakostnað og öll iðgjöld renna þannig óskert í þinn sparnað frá fyrstu greiðslu.
Rekstur séreignarsjóðsins er í höndum reynslumikils eignastýringarteymis LSR sem hefur skilað góðri langtímaávöxtun.
Ef þú varst að greiða í séreign LSR í fyrra starfi og vilt halda því áfram getur þú gert eitthvað af eftirfarandi:
Ef vinnuveitandinn samþykkir að greiða séreignarsparnað án þess að hafa samninginn við höndina munu greiðslur hans í séreignarsjóð LSR fara inn á réttan reikning í þínu nafni.
Þau eru góður kostur hvort sem þú ert að endurfjármagna fyrra fasteignalán eða kaupa nýja fasteign. LSR býður bæði upp á verðtryggð og óverðtryggð lán með sveigjanlegum greiðsluskilmálum.
A-deild er með tvenns konar réttindaávinnslu. Í grófum dráttum er skiptingin þessi:
Jöfn ávinnsla: Þau sem hófu greiðslur til A-deildar LSR eða Brúar fyrir 1. júní 2017 og hafa greitt samfellt síðan.
Aldurstengd ávinnsla: Þau sem hófu greiðslur til deildarinnar eftir 1. júní 2017 eða hafa hætt greiðslum lengur en í 12 mánuði samfellt.
Fyrir sjóðfélaga í jafnri ávinnslu er gott að hafa eftirfarandi í huga þegar skipt er um vinnu:
Ef þú veist ekki hvort þú ert í aldurstengdri eða jafnri ávinnslu getur þú séð það efst á lífeyrissíðunni á Mínum síðum.
Með tilgreindri séreign nýtirðu hluta af skyldubundnum lífeyrisiðgjöldum til að safna í séreignarsjóð. Á móti lækka greiðslur í samtryggingu A-deildar.
Með því er hægt að fá meiri sveigjanleika í útgreiðslum við starfslok, auka erfanlega eign í lífeyrissparnaði og mögulega létta undir við fyrstu fasteignakaup. Á móti lækka hins vegar réttindi til eftirlauna sem greidd eru til æviloka og örorku- og makalífeyris. Því yngri sem sjóðfélagar eru, því meiri réttindi ávinnast í samtryggingu.
Því er mögulega skynsamlegt fyrir yngri sjóðfélaga að bíða með að safna í tilgreinda séreign þar til ákjósanleg réttindi hafa safnast í samtryggingu.
Tilgreind séreign hefur þannig bæði sína kosti og galla og þarf hver og einn að meta hvort tilgreind séreign henti fyrir sig. Á síðunni um tilgreinda séreign er farið ítarlega yfir þessa hluti.
Það er mikilvægt að vanda vel valið á vörsluaðila tilgreindrar séreignar. LSR er góður kostur vegna þess að sjóðurinn er alfarið í eigu sjóðfélaga og allur ávinningur af starfsemi sjóðsins rennur til sjóðfélaga. Ekki þarf að greiða nein upphafs- eða breytingagjöld og hægt er að hætta greiðslum án þess að það hafi kostnað í för með sér.
Lífeyrisreiknivélin hentar vel til að sjá áhrifin af því að safna í tilgreinda séreign. Þar getur þú séð bæði þá inneign sem áætlað er að þú munir safna í tilgreinda séreign og líka hversu mikið eftirlaun til æviloka munu lækka á móti. Á Mínum síðum er lífeyrisreiknivélin for-útfyllt með þínum upplýsingum.
Þú þarft að greiða í stéttarfélag innan BSRB, BHM, KÍ eða Félag íslenskra hjúkrunarfræðinga til að geta fengið aðild að A-deild. Þú sækir um aðild að þessum stéttarfélögum í gegnum félögin sjálf.
Við val á ávöxtunarleið má hafa til hliðsjónar að Leið I er hlutabréfaleið þar sem búast má við talsverðum sveiflum í ávöxtun með von um meiri ávöxtun yfir lengri tíma. Leið II er skuldabréfaleið með minni sveiflum en mögulega lægri ávöxtun yfir lengri tíma. Leið III er innlánaleið með litlum sveiflum í ávöxtun.
Jafnframt er hægt að velja Sér-leiðir sem færa sjálfkrafa iðgjaldagreiðslur og inneign úr Leið I eða Leið II yfir í Leið III við 55 ára aldur.
Það skiptir máli hvar þú safnar í tilgreinda séreign! Vandaðu því valið vel á vörsluaðila tilgreindrar séreignar. Sérstaklega þarf að skoða vel öll gjöld og aukakostnað sem til fellur hjá viðkomandi aðila, en slíkur kostnaður er dreginn af iðgjöldum þínum. Athugaðu að hjá LSR þarf ekki að greiða nein upphafs-, flutnings- eða aukagjöld og allur ávinningur af starfsemi séreignarsjóða LSR rennur beint til sjóðfélaga.