Víðtæk lífeyrisréttindi fyrir þig og þína

B-deild LSR var lokað fyrir nýjum sjóðfélögum í árslok 1996, en þau sem hafa greitt í sjóðinn síðan þá ávinna sér áfram réttindi samkvæmt reglum deildarinnar. Þar á meðal eru eftirlaun til æviloka, örorkulífeyrir ef þú verður fyrir örorku, auk þess sem maki og börn öðlast réttindi til maka- og barnalífeyris við fráfall.

Ávinnsla réttinda

Þú greiðir 4% af launum og launagreiðandi 8%, en ekki er greitt iðgjald af yfirvinnu eða aukavöktum. Þegar 32 eða 95 ára reglu er náð hættir þú að greiða iðgjald og launagreiðandi greiðir 12% að fullu.

Nánar um ávinnslu

Lífeyrisgreiðslur

Hægt er að hefja töku eftirlauna úr B-deild við 65 ára aldur en ef þú nærð 95 ára reglu geturðu hafið töku lífeyris allt niður í 60 ára. Velja þarf hvort eftirlaunagreiðslur fylgi launabreytingum eftirmanns eða launavísitölu opinberra starfsmanna.

Nánar um greiðslur

Skipting milli hjóna

Tveir meginkostir eru í boði fyrir hjón sem vilja skipta með sér lífeyrisréttindum eða greiðslum. Í sumum tilvikum þarf að sækja um skiptingu fyrir 65 ára aldur.

Skipting milli hjóna

Hvenær má hefja töku eftirlauna í B-deild?

Almennt er miðað við að eftirlaunatöku í B-deild megi hefja við 65 ára aldur. Ef þú hefur hins vegar greitt iðgjöld í sjóðinn samtals í 32 ár fyrir þann aldur er mögulegt að þú eigir kost á að velja 95 ára reglu.

Ef svo er getur taka eftirlauna hafist þegar samanlagður lífaldur og iðgjaldagreiðslutími nær 95 árum, þó aldrei fyrr en 60 ára.

Í þessum tilvikum þarftu að velja milli 32 ára eða 95 ára reglu. Hvor um sig hefur ákveðna eiginleika sem gott er að hafa í huga til að meta hvað hentar þér.

Eftirlaunataka úr B-deild LSR er háð því skilyrði að sjóðfélagi sé ekki í starfi hjá ríkisstofnun eða sveitarfélagi í 50-100% starfshlutfalli. Sú regla gildir sama hvort sjóðfélagi greiðir iðgjöld af því starfi í B-deild eða í A-deild.

Tvær ólíkar reglur

32 ára reglan: Þegar greitt hefur verið í B-deild í samtals 32 ár
95 ára reglan: Þegar samanlagður lífaldur og iðgjaldagreiðslutími í B-deild nær 95 árum

Nánar um 32 og 95 ára reglur