Erlendir ríkisborgarar
Erlendir ríkisborgarar sem hafa greitt iðgjöld til LSR eiga rétt til eftirlauna og örorkulífeyris í samræmi við greidd iðgjöld auk þess að eiga kost á maka- og barnalífeyri ef skilyrði eru uppfyllt. Sækja þarf um slíkar greiðslur með eyðublöðum á Mínum síðum.
Endurgreiðslur iðgjalda við brottflutning
Í sumum tilvikum geta erlendir ríkisborgarar sem flytjast af landi brott fengið iðgjöld sem þeir hafa greitt í íslenskan lífeyrissjóð endurgreidd. Í samræmi við lög gilda eftirfarandi reglur hjá LSR:
Ekki er veitt endurgreiðsla ef sjóðfélagi er ríkisborgari og/eða með fasta búsetu í einhverju eftirtalinna landa:
- EFTA-löndin: Ísland, Liechtenstein og Noregur auk Sviss.
- ESB-löndin: Austurríki – Belgía – Búlgaría – Danmörk – Eistland – Finnland – Frakkland – Grikkland – Holland – Ítalía – Írland - Króatía - Kýpur (gríski hlutinn) – Lúxemborg – Lettland – Litháen – Malta – Portúgal – Pólland – Rúmenía – Slóvakía – Slóvenía – Spánn – Svíþjóð – Tékkland – Ungverjaland – Þýskaland.
- Bandaríkin
- Bretland
Ekki er veitt endurgreiðsla ef sjóðfélagi er með tvöfalt ríkisfang þar sem annað ríkisfangið er innan EES-svæðisins.
Erlendir sjóðfélagar LSR
- Safna lífeyrisréttindum með sama hætti og íslenskir ríkisborgarar
- Ef flutt er af landi brott geymast áunnin réttindi
- Möguleiki er á endurgreiðslu iðgjalda við brottflutning að uppfylltum skilyrðum
Útreikningur endurgreiðslu
Ef erlendur ríkisborgari á rétt til endurgreiðslu iðgjalda fer útreikningur endurgreiðslu eftir því hversu lengi viðkomandi hefur greitt iðgjöld:
A-deild – Iðgjöld greidd skemur en þrjú ár:
Framlag bæði sjóðfélaga og launagreiðanda er endurgreitt að fullu.
A-deild – Iðgjöld greidd í þrjú til fimm ár:
Framlag síðustu þriggja ára er endurgreitt skv. eftirfarandi töflu, sem miðast við aldur hins erlenda ríkisborgara. Iðgjöld sem greidd voru þar á undan, þ.e. þau iðgjöld sem ekki veita rétt til framreiknings örorkulífeyris, eru endurgreidd án frádráttar.
| Aldursbil | Endurgreiðsluhlutfall |
| 29 ára og yngri | 100% |
| 30-34 ára | 95% |
| 35-39 ára | 90% |
| 40-44 ára | 85% |
| 45-49 ára | 80% |
| 50-59 ára | 75% |
| 60-64 ára | 80% |
| 65 ára og eldri | 85% |
B-deild – Iðgjöld greidd skemur en fimm ár:
Framlag bæði sjóðfélaga og launagreiðanda er endurgreitt að fullu.
A- og B-deild – Iðgjöld greidd í fimm ár eða lengur:
Endurgreiðslur eru ákvarðaðar samkvæmt mati frá tryggingastærðfræðingi sjóðsins.
Við endurgreiðslur eru greidd iðgjöld uppreiknuð í samræmi við vísitölu neysluverðs, en án vaxta.
Endurgreiðsla iðgjalda er skattskyld samkvæmt gildandi lögum.
Nauðsynleg gögn fyrir umsókn um endurgreiðslu:
- Staðfesting launagreiðanda á starfslokum
- Afrit af vegabréfi
- Afrit eða staðfesting á farseðli
- Upplýsingar um reikningsnúmer í íslenskum banka
- Staðfesting á varanlegri búsetu í viðkomandi landi