Samanburður lána
Verðtryggð lán eru með lægri vöxtum og lægri afborgunum í upphafi, en eignamyndun er hægari. Óverðtryggð lán eru með hærri vöxtum og hærri afborgunum í upphafi, en um leið er eignamyndun hraðari. Hér má sjá meginmuninn á þessum þremur mismunandi kostum.
| Óverðtryggt fast til 36 mánaða |
Verðtryggt fast til 36 mánaða |
Verðtryggt fast út lánstímann |
|
|---|---|---|---|
| Mánaðarleg afborgun í upphafi | Hærri | Lægri | Lægri |
| Eignamyndun | Hraðari | Hægari | Hægari |
| Breytingar á greiðslubyrði | Miklar | Miðlungs | Minnstar |
Einnig er valið milli jafnra greiðslna (annuity) og jafnra afborgana.
- Jafnar greiðslur: Mánaðarleg afborgun er lægri í upphafi, en eignamyndun er hægari
- Jafnar afborganir: Mánaðarleg afborgun er hærri í upphafi, en eignamyndun er hraðari
Best er að sjá muninn á lánategundunum og tegundum afborgana með því að nota lánareiknivélina. Prófaðu þig áfram með mismunandi valkosti og við bendum sérstaklega á að bera saman liðinn „Heildargreiðsla“ áður en ákvörðun er tekin.
Blandað lán – bæði verðtryggt og óverðtryggt
Við bendum sérstaklega á að hægt er að taka blandað lán sem er að hluta verðtryggt og að hluta óverðtryggt. Þannig má fara bil beggja og nýta kosti bæði verðtryggðra og óverðtryggðra lána. Einfaldast er að nýta reiknivélina til að meta hvort blandað lán henti þér.